Բլիթներ

Ինչպես պատրաստել բլիթներ

Խմորիչը տրորել, վրան լցնել շաքարավազը, առանց խառնելու ավելացնել մի քիչ գոլ ջուր: Թողնել 10 րոպե: Ալյուրը մաղել, ավելացնել թթխմորը, սոդան, բուսայուղը, աղը, խմոր հունցել: Այն պետք է ստացվի ոչ շատ պինդ: Ծածկել և մեկ ժամ թողնել տաք տեղում: Բաժանել 8- 10 մասի: Ամեն գունդը բացել, դանակով կտրվածքներ անել, քունջութ ցանել և նորից գրտնակել, որ քունջութի հատիկները մտնեն խմորի մեջ: Առատ բուսայուղ տաքացնել, տապակել բլիթները, կարելի է դնել անձեռոցիկի վրա  ավելորդ յուղը հեռացնելու համար: