Բաղադրատոմս

Ինչպես պատրաստել ռշտա-հալվա

Ալյուրը մաղել, բլրակի ձև տալ, գագաթին փոս անել: Ձուն կոտրել, աղն ու շաքարավազը լցնել, ձեռքով խառնել: Ավելացնել այնքան ջուր, որ ստացվի պինդ խմոր: Խմորը գնդել, թողնել հանգստանա մի քանի րոպե: Հետո բարակ բացել, գլանաձև փաթաթել: Խմորի գլանակը սուր դանակով շատ բարակ կտրատել: Կստացվեն բարակ ու երկար խմորի զոլեր: Առատ ալյուր ցանել սեղանին, խմորի շերտերը մատներով առանձնացնել, ձգել-երկարեցնել: Հետո առանձնացված խմորները թափ տալ` ավելորդ ալյուրից ազատվելու համար: Խորը թավայի մեջ առատ բուսայուղ լցնել: Խմորը բովել թեժ կրակի վրա, մինչև այն դառնա բաց շագանակագույն: Ապա բովված «արիշտան» տեղափոխել մատուցվող ափսեի մեջ, սեղմել թիակով, կարելի է փաթաթել, կծիկի ձև տալ: Կարելի է ընկույզով կամ չրերեվ միջուկ տեղադրել խմորի մեջ: Նախապես եփել մեղրն ու շաքարավազը` դնելով շատ մարմանդ կրակին: Քաղցրաջուրը լցնել բոված խմորի վրա, ևս մեկ անգամ սեղմել բոլոր կողմերից, որպեսզի խմորի բոլոր փշուրները միասնանան և ստանան ամբողջական տեսք:


Ձեզ անհրաժեշտ է հետեւյալ բաղադրիչները, որպեսզի պատրաստեք ռշտա-հալվա

ձու ձու 5 հատ

ալյուր ալյուր 3 թեյի բաժակ

աղ աղ 1 թեյի գդալ

շաքարավազ շաքարավազ 1 թեյի բաժակ

մեղր մեղր 1 թեյի բաժակ

ձեթ ձեթ

Բաղադրիչների ձեռքբեռման ընդհանուր մոտավոր արժեքը կազմում է 2000դրամ,
իսկ կալորիականությունը ` 545 կկալ