Կրեպ սյուզետ
Պատրաստեք կրեպ սյուզետ հետևյալ բաղադրատոմսով
Կրեպ սյուզետ շատ համեղ Աղանդեր է և կարելի է մատուցել Տոնական սեղաններին:
Ֆրանսիական հայտնի մի աղանդեր կա՝ կրեպ սյուզետ: Առաջին հայացքից՝ դա սովորական կաթնախմորուկ է, սակայն ճաշակելիս պարզ է դառնում, որ նարնջի և կոնյակի սոուսի շնորհիվ՝ այն անկրկնելի համ է ձեռք բերել:
Ինչպես պատրաստել կրեպ սյուզետ
50 գ կարագը հալեցնել: Ձուն աղի և շաքարափոշու հետ լավ հարել, ավելացնել մաղած ալյուրը, կաթը, հալեցրած կարագը, հարել՝ մինչև համասեռ դառնա: Մնացած կարագը քսել տապակին, 4-6 կաթնախմորուկ թխել, չորս տակ ծալել, դնել ափսեի մեջ: Մեկ նարինջը կլպել, կլեպը բարակ շերտատել, նարինջների հյութը քամել: Չոր տապակի մեջ լցնել շագանակագույն շաքարավազը, տապակել 5 վայրկյան, ապա լցնել 3 ճաշի գդալ ջուր, 25 գ կարագ դնել, խառնելով եփել՝ մինչև շաքարավազը հալվի: Ավելացնել նարնջի կեղևը, 1 րոպեից ավելացնել նարնջի հյութը, եփել 4 րոպե, ապա կաթնախմորուկները դնել սոուսի մեջ, լցնել կոնյակը, եփել 1 րոպե և մատուցել:
